Xiaomi Mi Band 5 magnit zarýadlanmasyna eýe bolar

Xiaomi render suratlarynda özüniň Mi Band 5 fitnes-bilezikleriniň daşky görnüşini suratlandyrdy we olarda gurluşyň täze aýratynlygyny görkezdi. Suratlar Weibo internet torunda neşir edildi. Bu barada astera.ru habar berýär.
Mi Band 5 bileziklerinde hytaý öndürijisi bilezigiň ters tarapyndan birikdirilýän magnit zarýadlanmasyny ulanýar. Şeýlelik bilen, ulanyjylara indi bilezigi zarýada goýmak üçin ondan treker modulyny çykarmak gerek däl.
Suratda bilezigiň ekranynyň Mi Band 4 bilen deňeşdirilende 20% ulaldyljakdygy görkezildi. Şeýle ýagdaýda ekranyň diagonaly 1,2 dýuým töweregi bolar. Mi Band 5-de 11 sany sport režimi, Alexa ses kömekçisi we ýürek sazlaşygynyň täze datçigi peýda bolar. Ýagny, Xiaomi ýogadan, küreklemeden, welosiped sürmekden, elliptik maşklaryndan we ýüp bilen bökmekden başlap, ýumuşlaryň köp sany üçin gözegçilik girizer. Reňk görnüşlerinden gara, sary, mämişi we zeýtun-ýaşyl reňkleri bar.
Mundan başga-da, ganyň düzüminde kislorodyň derejesini ölçäp bilmek mümkinçiliginiň bolmagyna garaşylýar. Apple kompaniýasy hem, aýdyşlaryna görä, şeýle funksiýany Apple Watch Series 6 sagatlaryna girizer. Suratlarda kompaniýa Mi Band 5 bileziklerine NFC-niň oturdyljakdygy baradaky informasiýany tassyklady. Bu ähli ulanyjylara gurluşyň kömegi bilen mobil töleglerini amala aşyrmaga mümkinçilik berer.