Türkmenistanyň Prezidenti Gurbanguly Berdimuhamedow Moskwada Beýik Ýeňşiň 75 ýyllygyna bagyşlanyp geçiriljek dabaraly harby ýörişe gatnaşar, diýip Russiýanyň habar beriş serişdeleri RF-iň Prezidentiniň metbugat sekretary Dmitriý Peskowyň sözlerine salgylanyp habar berýär. Bu barada Turkmenportal belleýär.
Kremliň metbugat sekretary Gazagystan, Gyrgyzystan, Moldowa, Täjigistan, Türkmenistan, Özbegistan, Serbiýa, Horwatiýa, Abhaziýa we Günorta Osetiýa ýaly birnäçe ýurtlaryň Liderleriniň Russiýanyň paýtagtyndaky Ýeňiş paradyna gatnaşýandyklaryny eýýäm tassyklandyklaryny aýtdy.
Koronawirus ýokanjynyň ýaýramagy sebäpli Beýik Watançylyk urşunda gazanylan Ýeňşiň 75 ýyllygy mynasybetli dabaraly harby ýöriş Russiýa Federasiýasynyň Prezidenti Wladimir Putin tarapyndan 9-njy maýdan 24-nji iýuna geçirilipdi. Ol gün 1945-nji ýyldaky dabaraly Ýeňiş ýörişiniň geçirilen günüdir.
Türkmenistanyň Prezidenti Moskwada geçiriljek Beýik Ýeňşiň dabaralaryna gatnaşar — RF-iň Prezidentiniň metbugat sekretary
- 11.06.2020 23:23
- 14k+
