Huawei 5G gurşawynda patent boýunça dünýä lideri boldy

Huawei hytaý kompaniýasy 5G tehnologiýalar gurşawynda berlen patentleriň sany boýunça dünýä lideri boldy, bu barada “China Daily” neşirine salgylanmak bilen rossaprimavera.ru habar berýär.
Neşir IPlytics nemes kompaniýasynyň maglumatlaryna salgylanmak bilen, Huawei kompaniýasynyň paýyna 5G tehnologiýalaryň gurşawyndaky ähli esasy patentleriň 15,05%-niň düşýändigini belläp geçýär. 2020-nji ýylyň iýunyna çenli Huawei bäşinji nesliň mobil aragatnaşygynyň tehnologiýalar gurşawynda 3147 sany esasy patenti (standard-essential patent – SEP) bellige aldyrdy. Bu hytaý ägirdine pudagyň beýleki liderlerinden öňe geçmäge mümkinçilik berdi. Patentleriň sanynyň reýtinginde Huawei kompaniýasynyň yzyndan ABŞ-nyň Qualcomm kompaniýasy, onuň yzyndan Nokia fin kompaniýasy, Samsung we LG günorta koreý kompaniýalary, şeýle-de HHR-iň ZTE kompaniýasy ýerleşdi.
Gyzykly ýeri, hytaý kompaniýalaryna 5G gurşawynda tutuş dünýä patentleriniň 34,02%-i degişli boldy. 2019-njy maliýe ýylynda Huawei kompaniýasynyň barlag işine we taýýarlama işlerine tas $18,5 milliardy sarp edendigi bellenilip geçilýär, bu görkeziji kompaniýanyň umumy girdejisiniň 15 göteriminden gowragyny tutýar. Maý aýynda Huawei kompaniýasy we Hytaýyň 18 sany awtomobil kompaniýalary 5G tehnologiýasyny awtomobil gurluşygyna bilelikde girizmek barada ylalaşyga gol çekdiler.