Xiaomi kompaniýasynyň baş müdiri Leý Szýun ýaňy-ýakynda beren interwýusynda kompaniýanyň geljekki meýilnamalary barada gürrüň etdi. Şeýle-de, ol COVID-19 pandemiýasy sebäpli ýüze çykýan kynçylyklar barada aýtdy. Bu barada itzine.ru habar berýär.
Leý Szýunyň aýtmagyna görä, şu ýylyň ahyryna çenli Xiaomi öz ýurdy üçin 4G smartfonlaryň önümçiligini bes eder. Kompaniýa öz güýjüni 6G ulgamynyň we internet hemrasynyň işine gönükdirer.
Xiaomi 5G eýe bolan smartfonlary çykarmagyny dowam etdirer. Xiaomi kompaniýasynyň müdiriniň pikiriçe, 5G senagatda rewolýusiýa geçirer we konferens-aragatnaşyklary, bulut oýunlary we serwisleri üçin hem-de özüni dolandyrýan awtomobillerde işjeň ulanylar. Kompaniýanyň meýilnamasy 5G ulgamyna eýe bolan smartfonlaryň uly möçberini çykarmakdan ybarat.
Kompaniýada bellenilişine görä, şu ýylyň ýanwaryndan bäri 5G eýe bolan bäş smartfon çykaryldy, häzir ähli güýç şu nesliň gajetlerine geçmeklige gönükdirilýär. Täze gurluşlaryň işine köp puluň sarp edilýändigi üçin, öndüriji indi 4G smartfonlara dolanmak islemeýär.
Şeýle-de, Xiaomi mobil tehnologiýalaryna we AloT has köp üns berer. Kompaniýa tebigy betbagtçylyklar barada duýduryjy sistemanyň üstünde hem işlär.
Xiaomi 2020-nji ýylyň ahyryna çenli 4G-smartfonlaryň önümçiligini bes eder
- 30.05.2020 23:02
- 3.5k+
