Huawei kompaniýasy 2020-nji ýylyň birinji çärýeginde 5G smartfonlaryň içki hytaý bazarynda liderlik edýär, bu barada Sinhua agentligine salgylanmak bilen rossaprimavera.ru habar berýär.
Hytaýda bäşinji nesliň aragatnaşyk toruna eýe bolan Huawei smartfonlarynyň satuwy 15 mln-a ýa-da ýurtda 5G telefonlaryň umumy bazaryndan 55,4%-e ýetdi diýip, Huawei kompaniýasynyň wise-prezidenti Şen Sin mälim edýär.
5G smartfonlarynyň satuwy boýunça dünýä bazarynda günorta koreý kompaniýasy Samsung liderlik edýär. Hytaýyň Huawei kompaniýasy bazardaky ýerlemäniň paýyndan 33,2% görkeziji ýa-da 2020-nji ýylyň ilkinji üç aýynda 8 mln gurluş bilen ikinji orny eýeleýär. Häzirki wagtda Huawei 5G smartfonlaryň 19-dan gowrak modelini çykardy.
Şol bir wagtda hytaý bazarynda 5G smartfonlarynyň paýy, garaşylyşyna görä, ýylyň ikinji ýarymynda 60%-den hem gowrak ýokarlanar diýip, Şen belleýär.
Huawei kompaniýasynyň önümleri Russiýanyň bazarynda hem ýylyň başyndan smartfonlaryň satuwynyň 33%-ini eýelemek bilen liderlik edýär. Bu ýerde ikinji orunda 23% görkeziji bilen Samsung ýerleşýär.
Huawei Hytaýyň bazarynda 5G smartfonlaryň pudagynda lider boldy
- 25.05.2020 19:59
- 2.4k+
