Absolýut göreş çempionatynyň (UFC) amerikaly göreşijisi Toni Fergýuson UFC 249 turnirinde Jastin Getjiden ýeňilenden soň, lukmanlaryň görkezmesi boýunça 60 gün göreşden çetleşdirildi. Bu barada MMA Junkie saýtyna salgylanmak bilen turbo.gazeta.ru habar berýär.
Degişli çözgütleri Florida ştatynyň Atletika komissiýasy kabul etdi. Göreşiň dowamynda Fergýusonyň orbital süňki döwülipdir. Onuň garşydaşyna bolsa çetleşdirilme hökmany bolmady.
Ýatladyp geçsek, Fergýuson 12 ýeňişden ybarat tapgyryň arasyny üzmek bilen, sekiz ýylyň içinde ilkinji gezek ýeňlişe sezewar boldy. Indi ýeňil agramda diwizionyň çempiony Habib Nurmagomedow bilen Getji duşuşmaly.
Garyşyk başa-baş göreşde 34 ýaşly Fergýusonyň hasabynda 25 ýeňiş we dört ýeňliş bar. Mundan başga-da, UFC 249 turnirine gatnaşyjylaryň birnäçesi hem 180 gün göreşden çetleşdirilip bilner. Donald Serrone hem 30 gün, Jeremi Stiwens we Žairzinýo Rozenstraýk 60 gün, Dominik Kruz we Genri Sehudo 45 gün, Entoni Pettis bilen Kalwin Kettara 180 gün göreşden çetleşdirildi.
Fergýuson göreşlerden iki aýlap çetleşdirildi
- 15.05.2020 22:46
- 9.8k+
