“Real” indiki möwsümde oýunçylaryň aýlygyny 30% kemeltmekçi bolýar

Madridiň “Realynyň” ýolbaşçylygy öz futbolistleri üçin aýlyklary peseltmek isleýär. Bu barada metaratings.ru habar berýär. Bar bolan maglumatlara laýyklykda, “şa kluby” indiki möwsümde aýlyklary 30% peseltmek mümkinçiligini maslahatlaşmak üçin toparyň oýunçylary bilen ýygnak geçirmekçi bolýar. 
Bu çäre diňe bir futbolistlere däl-de, eýsem, klubyň we tälimçi ştabynyň ýolbaşçylaryna hem degişli bolup biler. Ýagny, jemi 800-den gowrak adama degişli bolar.
Häzir “Realda” ähli futbolistler üçin şu möwsümiň ahyryna çenli aýlyklary 10% peseltme çäresi hereket edýär. Ýöne täze peseltme öňki bilen bile hasaba alynmaz.
Şu möwsüm üçin “Real” 820 million ýewro alar diýlip çaklanylypdy. “Realyň” aýlyk sanawnamasy ýylda 283 milliona barabar bolýar. Aýlyklaryň peseldilmegi kluba 85 milliony tygşytlamaga kömek eder. Şeýle çäreler komandanyň ýaş düzümine – “Kastilýu” hem degişli ediler. Serhio Ramos bilen Garet Beýliň aýlyklary 14,5-den 10 million ýewro çenli peseler.
Belläp geçsek, “Barselonada” ýitgi 120-140 million ýewro barabar boldy. Klubyň býujeti geçenki bilen deňeşdirilende 250 million kemeler. Aýlyk sanawnamasy tutuş býujetiň 65%-ni eýeledi.
Öň, Ispaniýanyň çempionatynyň 12-nji iýunda dikeldiljekdigi habar berildi.