SpaceX we Tesla Motor kompaniýalaryny esaslandyryjy, millioner Ilon Mask onuň Neuralink kompaniýasynyň ýakyn wagtda adamyň beýnisine çibi girizip biljekdigini mälim etdi, bu barada live24.ru saýty belläp geçýär.
Maskyň aýtmagyna görä, bir ýylyň içinde ol we onuň topary syrkawlara göreji, eşidişi ýa-da beýnä zeper ýetmegi bilen ýüze çykan motorikany dikeltmäge mümkinçilik berýän implanty döreder. Mask çibiň beýnide bolan näsazlyklaryň ählisini düzetjekdigini aýdýar, ýöne öňde etmeli işler heniz kän.
Implantyň iş prinsipi onuň kelle süňküniň astynda oturdylýandygynda we ondan soň onuň elektrodlaryň kömegi arkaly beýni bilen birleşip, onuň bir bölegine öwrülýändiginde jemlenýär.
Belläp geçsek, Ilon Mask Neuralink kompaniýasyny 2016-njy ýylda döretdi. Kompaniýa elektrodlaryň beýnä girizilmesini göz öňünde tutýan “neýron torlarynyň” tehnologiýasyny işläp düzýär. Çak edilişine görä, bu usul birnäçe keselleri, şol sanda garaguş keselini we ysmaz keselini hem bejermäge mümkinçilik berer, geljekde adamlar özleriniň pikirlerini kompýuterden ýükläp alyp bilerler.
