ÇL-nyň 1/8 finalynyň “Ýuwentus” bilen “Lionyň” arasyndaky jogap duşuşygynyň 8-nji awgustda geçmegi mümkin

Italýan “Ýuwentusy” fransuz “Lionyny” Çempionlar ligasynyň 1/8 finalynyň jogap duşuşygynda 8-nji awgustda garşy almagy mümkin. Bu barada Trend-iň TACC-a salgylanmak bilen ýetirmegine görä, “Gazeta.Ru” habar berýär.
Futbol assosiasiýalarynyň ýewropa birleşigindäki (UEFA) çeşmäniň maglumatlaryna laýyklykda, oýun, epidemiologik ýagdaý mümkinçilik döretse, geçiriler. 10, 11 ýa-da 12-nji awgustda fransuz “Pari Sen-Žermeniniň” gatnaşmagynda dörtden bir final duşuşygy geçirilmeli.
Çempionlar ligasy we Ýewropa ligasy mart aýynda koronawirus pandemiýasy sebäpli saklanyldy. 1/8 finalynda “Ýuwentus” – “Lion” we “Bawariýa” (Germaniýa) – “Çelsi” (Angliýa), “Mançester Siti” (Angliýa) – Real (Ispaniýa) we “Barselona” (Ispaniýa) – “Napoli” (Italiýa) diňe bir gezek duşuşdylar. “Lion” bilen “Ýuwentusyň” birinji duşuşygy fransuz klubynyň 1:0 hasabynda öz meýdançasyndaky ýeňişi bilen tamamlandy.
Öň, UEFA milli çempionatlary awgustda ýewrokuboklary tamamlamaga mümkinçilik bolar ýaly iýunyň ahyryna çenli tamamlamagy maslahat berdi.
Soňky maglumatlar boýunça, dünýäde koronawirus bilen 3,6 mln-dan gowrak adam keselledi, 250 müňden gowragy ýogaldy.