Pandemiýa sebäpli bahalar peselenden soň, oýunçylaryň umumy gymmaty boýunça klublaryň reýtingi

Transfermarkt portaly koronawirus pandemiýasy sebäpli bahalaryň peselmeginden soň futbolistleriň umumy gymmaty boýunça klublaryň täzelenen reýtingini neşir etdi, bu barada Trend TACC-a salgylanmak bilen habar berýär.
Reýtingi Angliýanyň “Mançester Siti” kluby esaslandyrdy we ol dünýäde oýunçylaryň umumy bahasy 1 mlrd ýewrodan geçýän (1,02 mlrd ýewro) ýeke-täk klub bolmagynda galýar. Ikinji orunda ýene bir iňlis kluby, ýagny “Liwerpul (967 mln ýewro), üçünji orunda bolsa ispan “Realy” (888 mln ýewro) ýerleşdi.
Onluga ispan “Barselonasy” (852,7 mln ýewro), fransuz “Pari Sen-Žermeni” (843,7 mln ýewro), german “Bawariýasy” (756,6 mln ýewro), ispan “Atletikosy” (709 mln ýewro), şeýle-de iňlis “Tottenhemi” (699 mln ýewro), “Çelsi” (679,9 mln ýewro) we “Mançester Ýunaýted” (646,7 mln ýewro) girdi. Top-50-ä rus futbol klublary girmedi.
Täze koronawirus ýaýrawy 2019-njy ýylyň dekabrynyň ahyrynda Merkezi Hytaýda ýüze çykaryldy. Bütindünýä saglygy goraýyş guramasy 11-nji martda ony pandemiýa diýip yglan etdi. Şu wagta çenli koronawirus bilen 3,4 milliondan gowrak adam keselledi, 240 müňden gowragy aradan çykdy.