Azar, Benzema we Ronaldu — iň gowy penalti urujylar

Marca ispan neşiri iň gowy penalti urujylaryň reýtingini düzdi, bu barada news.sportbox.ru habar berýär. Sanawyň başyny “Realyň” oýunçysy Eden Azar başlady. Belgiýaly oýunçy karýerasynda topy 11 metrden 49 gezek geçirdi we ýedi gezek hem “nyşana düşmedi” (88% netijeli urgular). Ikinji orunda Azaryň klubdaşy Karim Benzema ýerleşdi. Ilkinji üçlügi “Ýuwentusyň” hüjümçisi Kriştianu Ronaldu jemleýär. Ronaldu 143-sinden 121-sini geçirmegi başardy.
Belläp geçsek, “Barselonanyň” kapitany Lionel Messi dokuzynjy setirde ýerleşdi. Ol 115 penaltiden 89-syny geçirdi.
Iň gowy penalti urujylaryň 10-lugy:
1. Eden Azar (“Real”) – 49 gezek geçirilen gol (7 gezek şowsuz synanyşyk; 88% netijeli urgular).
2. Karim Benzema (“Real”) – 15 (2; 88%).
3. Kriştianu Ronaldu (“Ýuwentus”) – 121 (22; 85%).
4. Garri Keýn (“Tottenhem”) – 37 (7; 84%).
5. Luis Suares (“Barselona”) – 40 (9; 82%).
6. Mohamed Salah (“Liwerpul”) – 13 (3, 81%).
7. Neýmar (“PSŽ”) – 51 (13; 80%).
8. Serhio Aguero (“Mançester Siti”) – 46 (13; 78%).
9. Lionel Messi (“Barselona”) – 89 (26; 77%).
10. Antuan Grizmann (“Barselona”) – 17 (8; 68%).