“Barselona” we “Real” pandemiýa sebäpli 300-400 mln ýewro ýitirip bilerler

Ispaniýanyň iki sany öňdebaryjy klublary bolan “Barselonanyň” we Madridiň “Realynyň” koronawirus sebäpli maliýe ýitgileriniň 300 mln-dan 400 mln ýewro çenli barabar bolmagy mümkin, bu barada “Cadena SER” ispan neşirine salgylanmak bilen turbo.gazeta.ru habar berýär.
Çeşmäniň maglumatlary boýunça, ýitgiler, eger-de ýakyn wagtda Premýeranyň möwsümi dikeldilmese, oýunlar bolsa azyndan dekabra çenli boş münberleriň astynda geçirilse, şeýle görkezijä ýeter. Liganyň hasaplamasy boýunça, diňe petekleriň satuwyndan ýitgiler 50 mln ýewro barabar bolar.
Eger-de 2019/20-möwsümi wagtyndan öň tamamlamaly bolsa, beýlekileri hem tomaşaçysyz geçirmeli bolsa, onda tutuş ispan futboly hemaýatçylyk şertnamalary boýunça girdejileriň hem ýitgi mümkinçiligini hasaplamazdan, 1,6 mlrd ýewrodan mahrum bolar. Jemi alanyňda puluň möçberi 1,9 mlrd ýewro ýetip biler. Ýagdaý has beter bolanda käbir klublar hereket etmegini bes eder.
Ýatladyp geçsek, La Ligada möwsüm 12-nji martda koronawirus pandemiýasy sebäpli näbelli möhlet bilen saklanyldy. 14-nji martda bolsa ýurtda berk karantin yglan edildi. Şol wagta çenli ähli klublar 27 tapgyry geçirmäge ýetişdiler. “Barselona” 58 utuk bilen liderlik edýär. Ikinji orunda 56 utuk bilen “Real” gelýär. Üçünji orun 47 utugy bolan "Sewilýa" degişli. Dördünji setirde bolsa 46 utuk bilen “Real Sosýedad” ýerleşýär. “Hetafeniň” ballary hem şeýle görkezijä deň, ýöne goşmaça görkezijiler boýunça ol bäşinji orny eýeleýär.
Çempionlar ligasynyň häzirki oýnundan “Liwerpuly” çykaran “Atletiko” 45 utugy bilen altynjy orunda ýerleşmegi başardy. Eger-de Ispaniýada möwsümi dikeltmezlik kararyna gelseler, onda onuň indiki möwsümde Çempionlar ligasyndan galmagy mümkin.