Fransiýanyň futbol boýunça çempionatynyň 2019/2020 möwsümi wagtyndan öň tamamlandy, möwsümiň galan duşuşyklary indi geçirilmez, diýip Trend agentligi Interfaks agentligine salgylanyp habar berýär.
L'Equipe neşiriniň habar bermegine görä, Fransiýanyň premýer-ministri Eduard Filipp sişenbe güni koronawirusa garşy göreşmek boýunça strategiýany yglan etdi. Şonuň çäklerinde professional klublaryň, şol sanda futbol klublarynyň gatnaşmagynda geçirilýän ähli sport ýaryşlary ýatyrylýar.
Ýurduň nobatdaky çempionatynyň yglan ediljekdigi barada soňra belli bolar. Häzirki wagtda bäsleşik jedwelinde «Pari Sen-Žermen» 27 duşuşykda 68 utuk bilen birinji ýerde barýar. Bir duşuşyk köp geçiren «Marsel» 56 utuk bilen ikinji ýerde barýar.
Soňky maglumatlara görä, dünýä boýunça koronawirus ýokanjynyň 3 086 038 sanysy hasaba alyndy. 212 müň 591 adam aradan çykdy, 934 müň 808 adam sagaldy. Fransiýada 162 müň 842 adam bu kesel bilen keselledi. 23 müň 293 adam aradan çykyp, 45 müň 513 adam gutuldy.
Fransiýanyň futbol çempionaty koronawirus sebäpli wagtyndan öň tamamlandy
- 29.04.2020 18:52
- 3.9k+
