Germaniýanyň çempionatynda futbolistlery maskada oýnamaga borçly etmekleri ahmal

Bundesliganyň aýratyn režimde geçmegi mümkin. Ýaňy-ýakynda alnan täzelikler boýunça, Germaniýanyň zähmet ministriniň ýolbaşçylygy futbolistleri oýun wagtynda maskada oýnamaga mejbur etjek bolýar. Bu täzelik barada “Spiegel Sports” neşirine salgylanmak bilen olimpiada-tokio2020.ru habar berdi. Bundesliganyň ýolbaşçylygy we guramaçylary COVID-19 pandemiýasyna garamazdan, möwsümi tamamlamakçy bolýarlar.
Neşirden alnan maglumatlara görä, sportsmenlere oýun wagtynda maska el degirmek gadagan edilýär, oýun maskany çalşyrmak üçin her 15 minutdan saklanylyp bilinýär we şu arakesme wagtynda-da oýunçylar biri-birinden bir ýarym metr daşlykda ýerleşmeli. Üstesine-de, indi eminler futbolist howpsuzlyk düzgünlerini bozan ýagdaýynda oňa jerime salyp bilýär, meselem: gol salnandan soň oýunçylar meýdançada bilelikde “baýram edenlerinde” ýa-da dawalaşanlarynda. Şeýle-de, maskany sypmazlyk üçin berkitmek hem möhüm düzgün hasaplanylýar.
Soňky maglumatlar boýunça, Germaniýada koronawirus bilen kesellemegiň 154 111 ýagdaýy hasaba alyndy. Ýogalanlaryň sany 5632, gutulanlaryň sany 106 800.
Öň, Germaniýanyň saglygy goraýyş ministri futbol möwsüminiň ýurtda 9-njy maýda dikeldilip bilinjekdigini aýtdy, ýöne oýunlar tomaşaçysyz geçer.