“PSŽ” fransuz futbol klubynyň oýunçysy Neýmar heniz hem ispan “Barselonasyna” geçmegi niýet edinýär, bu barada olimpiada-tokio2020.ru saýtynda bellenilýär. Habar berlişine görä, eger-de taraplar futbolistiň satuwy barada ylalaşyk gazanyp bilseler, onda braziliýaly sportsmen aýlyk töleginiň peseldilmegine razy bolmaly bolar.
“Barselonanyň” ýolbaşçylygy futboliste ýylda 20 million ýewrodan köp tölemejekdigini aýdýarlar. Bu pul häzirki wagtda Neýmara “PSŽ-da” tölenilýänden iki ýarym esse azdyr.
Çeşmäniň maglumatlary boýunça, Neýmar “PSŽ-de” ýylyna 52 mln ýewro gazanýar. Häzir bolsa fransuz komandasy futbolist üçin täze şertnama taýýarlaýar, oňa laýyklykda aýlyk bir möwsüm üçin 38 million ýewro deň. “Barselona” Neýmary satyn almajakdygy barada eýýäm habar beripdi. Bu puly olar Lionel Messi bilen şertnama we Lautaro Martinesiň transferine sarp etmekçi bolýarlar.
Şu möwsümde Neýmar 22 oýna gatnaşdy we 18 goly bilen tapawutlandy. Transfermarkt portaly futbolistiň bazar gymmatyny 128 mln ýewro bilen bahalandyrýar.
Neýmar “Barselona” geçmek islese aýlygynyň peselmegine razy bolmaly bolar
- 26.04.2020 08:04
- 4.7k+
