Fossil Gün energiýasyndan zarýadlanýan Solar sagatlaryny hödürledi

Fossil kompaniýasy tebigat barada alada etmek maksady bilen döredilen Solar sagatlaryny anons etdi. Şeýle görnüşli arzan gurluşlaryň köpüsi wagtal-wagtal çalşyrylyp durulmagyny talap edýän batareýleriň esasynda işleýär. Solar sagatlaryndaky akkumulýator 10 ýyla çenli işläp bilýär, bu barada live24.ru habar berýär.
Bu sagadyň aýratynlygy onuň Gün energiýasyny ulanmak arkaly zarýadlanyp bilmek mümkinçiliginiň barlygydyr. Bu gyzykly bir tehnologiýanyň kömegi bilen mümkin boldy. Inženerler Gün elementlerini siferblatyň töweregindäki gurşawa jemlediler, olar hem batareýi gije-gündiziň dowamynda ýagtylandyryjy enjamlardan iýmitlendirip durýarlar.
“Akkumulýator diňe sensoryň günde duran wagty zarýadlanyp bilýär. Ýörite hasaplamalar, şeýle wagtyň hatda eşigiň aşagyndan dakylanda-da energiýany gerekli möçberde saklamak üçin ýeterlikdigini görkezdi” – diýip, kompaniýanyň wekilleri belleýär.
Doly zarýadlanan ýagdaýynda hronometr 4 aýa çenli işlemäge ukyply. Şunuň bilen birlikde, korpusyň ähli elementleri hem daşky gurşawa zyýan ýetirmeýän materiallardan taýýarlanylan, onuň daşy bolsa gaty kagyzdan, ony gaýtadan hem ulanmak bolýar. Gurluş suwdan 5 ATM standart gorag derejesine eýe boldy.
Sagatlaryň özünden başga-da toplumda 5 sany dürli guşajyklar hem bar. Saýlap almakda iki model hödürlenilýär – 34 we 42 mm. Hronometr maýyň ilkinji günlerinde ýola goýlup başlanar.