MMA-promouşen UFC 249 turniriniň geçiriljek ýerini her näçe gizlin saklajak bolsa-da, çäräniň ýeri indi gizlin hasaplanylmaýar.
Wakalara ýakyn bolan habar çeşmeleri 9-njy maýa meýilleşdirilen nobatdaky şouwyň Florida ştatynyň Jeksonwill şäherindäki “VyStar Veterans Memorial” arenasynda geçiriljekdigini habar berýärler diýip fighttime.ru saýtynda bellenilýär.
Ilkibaşda UFC 249 turniri Bruklindäki “Barklaýs Merkezi” arenasynda geçirilmelidi, ýöne koronawirus epidemiýasy zerarly gurama çäräni Kaliforniýada “Tachi Palace” indeý kazinosynda geçirmäge synanyşyk etmek bilen ýerini üýtgetmeli boldy, ýöne ştatyň gubernatory Gewin Nýusom ESPN telekompaniýasynyň ýolbaşçylygyna basyş etmek bilen şouwyň ýatyrylmagyny gazandy.
Turnir ýatyrylandan birnäçe günden soň Florida ştatynyň gubernatory Ron DeSantis professional sporty “ilkinji zerur bolan hyzmatlaryň” hataryna goşmak bilen, sport çärelerini tomaşaçysyz geçirmäge resmi taýdan rugsat berdi, UFC-niň ýolbaşçylygy bolsa nobatdaky çäräni 9-njy maýda geçirmek isleýändigini habar berdi.
Ýatladyp geçsek, UFC 249 turniriniň esasy wakasy ýeňil agramda wagtlaýyn titul ugrunda Toni Fergýuson bilen Jastin Getjiniň arasyndaky göreş bolar, Genri Sehudyň ýeňil agramda Dominik Kruza garşy titul goragyna çykmagy ähmiýetliligi boýunça çäräniň ikinji wakasy bolar.
UFC 249 turniriniň geçiriljek ýeri atlandyryldy
- 25.04.2020 06:53
- 11k+
