“FourFourTwo” britan žurnaly soňky 25 ýylyň iň gowy 25 oýunçysynyň sanawyny neşir etdi. Bu barada news.sportbox.ru habar berýär. Bu reýtinge “Barselonanyň” lideri Lionel Messi ýolbaşçylyk etdi.
— Başga näme aýdyp bolar? 25 ýylyň iň gowy oýunçysy biziň öň seýrek duçar bolan derejesiniň birsydyrgynlygyny utgaşdyrýar – diýip reýtingi düzüjiler belleýär.
Ikinji iň gowy futbolist ähli mümkin bolan şahsy baýraklar ugrunda Messi bilen hemişe bäsdeş bolýan “Ýuwentusyň” hüjümçisi Kriştianu Ronaldu boldy. “FourFourTwo” portugaliýalynyň soňky ýyllarda iň gowy bombardirleriň biri bolandygyny belledi. Üçlügi “Ýuwentusyň”, “Realyň” we Fransiýanyň ýygyndy toparynyň eks-ýarym goragçysy bolan we häzirki wagtda Madrid klubynyň tälimçisi Zinedin Zidan jemledi. Şu ýerde reýtingiň doly sanawyny belläp geçeliň.
Bäşlige Braziliýanyň ýygyndy toparynyň ozalky hüjümçileri Ronaldo we Ronaldinýo girdi. Reýtingiň yzyny Týerri Anri bilen Hawi dowam etdirýär, ýagny olar degişlilikde altynjy we ýedinji orunlary eýelediler. Reýtingiň 8-nji ornunda Andres Inýesta, 9-njy ornunda Paolo Maldini ýerleşdi. Onlugy Roberto Bajo jemleýär.
11-nji orun Riwaldo, 12-nji orun Fabio Kannawaro, 13-nji orun Raýan Giggze degişli boldy. Reýtingiň yzy şeýle dowam edýär: 14-nji orun Kaka, 15-nji orun Ueýn Runi, 16-njy Luiş Figu, 17-nji Gabriel Batistuta, 18-nji Erik Kantona, 19-njy Luka Modriç, 20-nji Serhio Buskets. 21-den 25-e çenli orunlary şular eýeledi – Raul, Pol Skoulz, Romario, Serhio Ramos, Janluiji Buffon.
Messi soňky 25 ýylyň iň gowy futbolisti diýlip atlandyryldy
- 25.04.2020 06:35
- 5.1k+
