Samsung kompaniýasy akylly telewizorlar üçin özüniň platformasyna Apple Music aýdym-saz serwisini jemländigini habar berdi. Indi 100-den gowrak ýurtdaky ulanyjylar göni Samsung Smart TV-niň özünde Apple Music programmasy bilen aýdym-saz diňläp bilýärler, bu barada dgl.ru habar berýär.
Apple Music programmasy 2018-nji ýyldan 2020-nji ýyla çenli döwürde çykarylan telewizorlar üçin hödürlenilýär. Serwis 60 mln kompozisiýany özünde jemleýär, mundan başga-da onda gündelik personal maslahatlary we Beats 1 bütindünýä radiostansiýasy hem elýeterli. “Apple Music bilen öýde” bölüminde Samsung Smart TV-niň eýelerine täze aýdym-saz faýllaryny aýtdyrmagyň sanawy, meşhur sazandalar bilen FaceTime toparlaýyn çatlary, ýörite interwýular, wideoklipler we öz islegiňe görä güýmenjeleri tapmak üçin başga-da birnäçe kontentler garaşýar.
Samsung Smart TV-niň eýeleri Apple Music programmasyny Apps-da SmartHub bölüminde ýükläp alyp bilýärler hem-de özleriniň Apple ID-iniň kömegi bilen hasabat ýazgysyna girip ýa-da göni telewizoryň ekranyndan täze akkaunty döredip bilýärler. Indiwidual, maşgala ýa-da talyp ýazylyşygynyň çäklerinde ulanyjylara Apple Music programmasyna 3 aýlap mugt elýeterlilik hödürlenilýär.
Ýatladyp geçsek, birnäçe wagt bäri Samsung telewizorlary üçin Apple TV programmasy hem elýeterli.
Samsung telewizorlarynda Apple Music aýdym-saz serwisi peýda boldy
- 24.04.2020 23:31
- 2.7k+
