Huawei Samsung, MediaTek we Spreadtrum prosessorlaryny satyn almaga taýýar

TSMC kompaniýasynyň wekilleri çärýek hasabaty neşir edilenden soň, ýarym geçiriji önümleriň önümçiligini ABŞ-nyň territoriýasynda giňeltmek pikirinden el çekmändiklerini bellediler. Huawei Technologies kompaniýasynyň wekilleri bolsa “Nikkei Asian Review” gazetine beren teswirlerinde HiSilicon prosessorlarynyň şertnamalaýyn önümçiligi boýunça TSMC-nyň hyzmatlaryna garaşlylygy peseltmek baradaky meýilnamalary barada ýene bir gezek gürrüň berdiler.
Bu ýagdaý ABŞ-nyň hökümetiniň Huawei TSMC-nyň müşderileriniň hataryndan aýyrmak maksady bilen, oňa basgy etmegine getirip biler. Bu barada overclockers.ru habar berýär. Hytaý kompaniýasynyň wekilleri şeýle ýagdaýda Günorta Koreýada çykarylan Samsung prosessorlaryny, Taýwanda çykarylan MediaTek prosessorlaryny, şeýle-de Hytaýda çykarylýan Spreadtrum prosessorlaryny satyn alarys diýip pikir edýärler. Ýogsa-da, Huawei prosessorlaryň importuna bolan garaşlylygy peseltmek kontekstinde hytaý ýarym geçirijiler senagatynyň kämilligine uly bil baglaýar. Başga bir çeşmeler başlangyç we orta derejeli prosessorlary çykarmak üçin Huaweiň birnäçe wagt bäri SMIC hytaý kompaniýasynyň tehnologik mümkinçiliklerinden peýdalanýandygyny habar berýärler.
Huawei-niň beýannamasy bir möhüm ýagdaýy göz öňünde tutmaýar, eger amerikan hökümeti kompaniýanyň amerikan gelip çykyşly tehnologiýalary ulanýan hyzmatdaşlaryna oňa prosessorlary satmagy gadagan etse, onda ol Samsung we MediaTek kompaniýalaryna bil baglap bilmeýär. Islendik ýagdaýda-da, Huawei öndürijileri we hyzmatdaşlary saýlamaly bolanda, hiç hili ätiýaçlyk ýoluny gözlemän, diňe bir ýol bilen hereket etjek bolmaýar.