UFC-niň ýeňil agramlylarynyň dördünji belgisi Jastin Getji diwizionda birinji setiri eýeleýän Toni Fergýusona garşy göreşde gazanyp biljek wagtlaýyn titul statusyna ýokary dereje hökmünde garanok.
“Haçan-da guşak meniň bilimde bolanda, bu ahyrky nokat bolmaz – bu ýokary galmak üçin petek bolar. Ine, men muňa şeýle garaýan. Guşak biliňde – bu gowy, ýöne bu meniň üçin şol bir zat däl. Bu meniň UFC-niň çempiony bolandygymy aňlatmaýar” – diýip fighttime.ru Getjiniň ESPN telekanalyna beren interwýusynyň sözlerini getirýär.
Habib Nurmagomedow bilen olaryň gyzyklanmasyny şol bir menejeriň göz öňünde tutýandygyna garamazdan, amerikaly türgen munuň olara oktagona biri-birini ýok etmek maksady bilen çykmaga päsgel bermeýändigini aýdýar.
“Men Tonini ýeňenimden soň, Habib bilen urşaryn. Hut şunuň üçin hem men şu ýerde – dünýäde iň gowusy bolmak üçin. Men haçan-da onuň bilen urşanymda, men onuň meni öldürmäge synanyşyk etmegini isleýärin, sebäbi eger ol muny etmese, men ony sylamagymy bes ederin”.
Getjiniň aýtmagyna görä, ol esasy wakasy onuň Fergýuson bilen göreşi bolan UFC 249 turniriniň 9-njy maýda geçiriljekdigine şübhelenmeýär.
“Men muňa 100% ynanmaly. Men munuň 18-nji aprelde boljakdygyna-da 100% ynanypdym. Sebäbi, eger-de men ynanmaýan bolsam, diýmek, men aýagymy gazdan aýyrdygym”.
Jastin Getji: Eger-de Habib meni öldürmäge synanyşmasa, men ony hormatlamagymy bes ederin
- 23.04.2020 22:44
- 13k+
