“Çelsi” iňlis futbol kluby oýunçylar bilen koronawirus pandemiýasy wagtynda aýlyklary 10% kemeltmek barada ylalaşyk gazandy. Bu barada “Mirror” britan neşiri habar berýär, muny Trend TACC-a salgylanmak bilen ýetirýär.
Çeşmäniň maglumatlary boýunça, toparyň kapitany Sesar Aspilikueta ýolbaşçylygyň aýlyklary 10% göwrümde kemeltmek boýunça eden teklibini özüniň topardaşlaryna ýetirdi, muňa toparyň oýunçylary razy boldular. Netijede “Çelsi” dört aýyň içinde $12,5 mln tygşytlar. Bellenilip geçilişi ýaly, “Çelsiniň” tälimçisi Frenk Lempard pandemiýa döwründe özüniň aýlygynyň 25%-inden meýletin ýüz öwürdi.
Angliýanyň çempionaty koronawirus pandemiýasy sebäpli 13-nji martda saklanyldy we oýunlar näbelli möhlet bilen soňa goýuldy. Ýöne klublaryň birinjiligiň galan oýunlaryny tamamlamalydygy bellenilýär. Ýöne toparyň wekilleriniň maslahatynda möwsümi tamamlamagyň ahyrky senesi maslahatlaşylmady, bu sorag 30-njy iýuna goýuldy.
Soňky maglumatlar boýunça, dünýäde koronawirus bilen 2,2 mln adam kesellän, 150 müňden gowrak ölüm hasaba alnan.
“Çelsi” toparyň futbolistleri bilen pandemiýa wagtynda aýlyklary kemeltmek barada ylalaşdy
- 22.04.2020 23:43
- 3.1k+
