Noýabr aýynda Aşgabatda sambo boýunça dünýä çempionaty geçiriler

2020-nji ýylyň 6-8-nji noýabrynda Aşgabatda Sambo boýunça dünýä çempionatyny geçirmeklik meýilleşdirilýär. FIAS we HOK, häzirlikçe, COVID-19 pandemiýasy bilen bagly ýagdaýlar ýakyn wagtda kadalaşar diýen ynam bilen bu ýaryşy yza süýşürmek barada karar bermediler, diýip ORIENT agentligi habar berýär.
Ýewropanyň sambo federasiýasynyň Ýerine ýetiriji geňeşi tarapyndan kwalifikasiýa boýunça ýaryşlaryň (şol sanda Ýewropa çempionatynyň we Dünýä kubogynyň) yza süýşürilendigine garamazdan, türgenler ýylyň iň iri ýaryşyna taýýarlyk görmeklerini dowam edýärler.
Dünýä sportunyň köp sanly wekilleri üçin mejbury arakesme şikeslerden soň bejergi almak ýa-da Tokio Olimpiadasy üçin utuk toplamak boýunça bäsdeşlikde arakesme almak üçin mümkinçilik berdi. Häzirki wagtda samboçylaryň aglabasy öýlerinde türgenleşik geçýärler we sosial torlaryň üsti bilen kärdeşlerini hem muňa çagyrýarlar (#trainathome we #samboagainstcovid heştegler arkaly).
Administratiw işgärler bolsa halkara ýaryşlarynyň arasynda dopinge garşy syýasaty işläp düzýärler. Aprel aýynyň başyndan bäri Sambo halkara federasiýasy (FIAS) şprisleri peýdalanmak bilen baglylykda düzgünleri tassyklady. Indiden beýläk, ýeterlik sebäpsiz (şikes we agyr ýagdaýlar) sanjymlar samboçylar üçin gadagandyr. Hiç hili witaminlere, rugsat edilen goşundylara we şuňa meňzeş himiýa önümlerini ulanmaga rugsat berilmeýär.
Dünýäniň iň gowy türgenleriniň tejribesiniň görkezişi ýaly, karantin çäklendirmeleri sportdan ýüz öwürmäge sebäp däldir. Sport bilen islendik ýerde, islendik wagt meşgullanyp bolýar.