Toni Fergýuson: “Nurmagomedowa gitmäge wagt boldy”

UFC-niň amerikaly ýeňil agramdaky göreşijisi Toni Fergýuson (25-3) UFC-niň ýeňil agramdaky çempiony russiýaly Habib Nurmagomedow (28-0) karýerasyny tamamlasa gowy bolar diýip pikir edýär, bu barada vringe.com habar berýär.
Ýatladyp geçsek, 18-nji aprele Nurmagomedow bilen Fergýusonyň göreşi meýilleşdirilipdi, ýöne koronawirus pandemiýasy sebäpli guramanyň meýilnamalary birnäçe gezek üýtgedi. Netijede Habib Russiýada galdy, Toniniň garşydaşy hökmünde bolsa Jastin Getjini (21-2) bellediler. Indi olaryň 9-njy maýda UFC-niň “wagtlaýyn” tituly ugrunda göreşmegine garaşylýar.
“Gürrüň UFC-de däl. Meniň pikirimçe, Habibiň özi muňa düşünýändir. Men oňa gitmäge wagt boldumyka diýip hasaplaýaryn, ýöne ol muny etdem. Ol aýaklaryny titredip gaçyp gitdi. Ýöne dünýäde köp zatlar bolup geçýär, şonuň üçin men Habib häzir özüniň maşgalasy bilendir we olaryň ähli zady gowudyr diýip umyt edýärin. Men, hakykatdanam, Habib we onuň maşgalasy howpsuz ýagdaýdadyr diýip umyt edýärin. Haçan-da gürrüň maşgala barada gidende, men hiç haçan hiç kimi kemsitmekçi bolmaýaryn. Men onuň türgenleşmäge mümkinçiliginiň bardygyna ynanasym gelýär” – diýip, Fergýuson belleýär.