Türkmen bedewiniň milli baýramynyň bellenilýän gününde paýtagtymyz Aşgabatda we welaýatlarda «2020-nji ýyl — Türkmenistan – Bitaraplygyň mekany»: behişdi bedewlerimiz bilen sagdyn durmuş ýörelgesi» şygary astynda welosipedli ýörişleri hem-de uzak aralyga ylgamak boýunça köpçülikleýin sport çärelerini geçirmeklik meýilleşdirilýär. Bu barada Türkmenistanyň Prezidenti Gurbanguly Berdimuhamedowyň sanly wideoaragatnaşyk arkaly geçiren iş maslahatynda bellenilip geçildi.
Belläp geçsek, Türkmen bedewiniň milli baýramy mynasybetli geçirilýän «Türkmen bedewi we dünýä seýisçilik sungaty» atly XII ylmy maslahatynyň çäklerinde 2020-nji ýylyň ýaz möwsüminde ýüze çykarylan arheologik tapyndylaryň tanyşdyryş dabarasyny guramak boýunça işler alnyp barylýar. Mundan başga-da, Prezident Gurbanguly Berdimuhamedow 25-nji aprelde Aşgabatda ahalteke bedewleriniň halkara gözellik bäsleşigini, şeýle hem behişdi bedewleriň keşbini sungat eserlerinde ýokary derejede beýan etmek boýunça döredijilik işgärleriniň arasynda bäsleşigiň jemleýji tapgyryny geçirmek hakyndaky resminamalara gol çekdi.
26-njy aprelde Türkmenistanda welosipedli ýöriş geçiriler
- 20.04.2020 23:05
- 5.8k+
