Dana Uaýt UFC-niň göreşijilerini guramanyň geljekki meýilnamalary bilen tanyşdyrdy

UFC-niň prezidenti Dana Uaýt media metbugat mashalatyny geçirdi, onuň dowamynda guramanyň göreşijilerini gyzyklandyrýan birnäçe möhüm soraglara jogap berdi. Bu barada fighttime.ru habar berýär.
Uly MMA-promouşeniň ýolbaşçysy tarapyndan bellenilen esasy tezisler şu aşakdakylardan ybarat:
-Göreşijiler özlerini howpsuz ýagdaýda duýmasalar, olar göreşmeli däl;
-Çäräniň geçiriljek ýeri syr bolmagynda galar;
-Uaýt çäreleriň geljekde UFC Apex meýdançasynda geçirilmegini maslahatlaşmak üçin Newada ştatynyň gubernatory Stiw Sisolak bilen duşuşar;
-Ýaryşlar ilkinji nobatda uruşlary ýatyrylan göreşijilere hödürleniler;
-Eger-de göreşijiler ýa-da olaryň maşgalasy koronawirus bilen kesellese, UFC olara goldaw berer;
-Aralyk agramdaky göreşler häzir maslahatlaşylýar, ýöne mümkinçiligi az;
-“Göreşijiler Adasy” hakykat we ol UFC-niň ähli göreşijileri üçin açyk bolar;
-Iýula meýilleşdirilen “Halkara göreşijiler hepdeliginiň” bu ýylda geçirilmezligi ahmal;
-UFC 9-njy maýdan başlap, çäreleri her dynç alyş günleri geçirmegi meýilleşdirýär;
-Medisina işgärleri we hassahanalar her bir çärede elýeterli bolar.
Ýatladyp geçsek, 9-njy maýda UFC turnir geçirmekçi bolýar, bu turniriň esasy wakasy ýeňil agramda Toni Fergýsuon bilen Jastin Getjiniň arasynda wagtlaýyn titul ugrundaky göreş bolar.