COVID-19 pandemiýasyna garamazdan, Xiaomi Mi Band 5 bilezigi grafik boýunça çykarylar. Bu baradaky maglumat Huami kompaniýasynda belli boldy diýip terrnews.com habar berýär. Bu Xiaomi-niň elde dakmaga ykjam bolan fitnes-bilezikleri we beýleki gajetleri çykarmaklyga ýöriteleşdirilen şahamçasy.
Bir wagtlar Xiaomi kompaniýasynyň Huami-niň işleýşinden närazydygy barada gürrüň ýüze çykdy. Ýöne soň bu maglumatyň hakykata laýyk gelmeýändigi anyklanyldy. Belläp geçsek, Huami Xiaomi kompaniýasynyň sargydy boýunça Xiaomi Mi Band we beýleki gurluşlary öndürýär. Ýöne Huami Xiaomi-niň dolandyrmasy boýunça işlemeýär. Huami-niň ýolbaşçysy Huan Wanyň aýtmagyna görä, bu iki firmanyň arasyndaky gatnaşyk örän berk.
Eger-de insaýderleriň maglumatlaryna salgylansak, täze fitnes-bilezik eýýäm iýun aýynda dükanlarda peýda bolar. Özünden öňki Mi Band 4-den ol birnäçe parametrleri bilen tapawutlanar. Belläp geçsek, geçen ýyl çykarylan Xiaomi Mi Band 4 bilezigi sekiz gün satuwyň içinde bir milliondan gowrak global önümçiligi ýygnamagy başardy.
Sensor displeýiniň göwrümi 1,2 dýuýma çenli artdyrylar. Reňk sazlaşygy hem ýokarlandyrylar, bu bolsa ýiti Gün şöhlelenmesinde-de informasiýa bilen işleşmäge mümkinçilik berer. Mundan başga-da, NFC töleglerini galtaşyksyz amala aşyrmak tehnologiýasy hem göz öňünde tutulan.
Häzirki wagtda bu serwis diňe Hytaýda elýeterli.
Xiaomi Mi Band 5 fitnes-bilezigi şu ýylda peýda bolar
- 19.04.2020 09:45
- 4k+
