«Türkmentelekom» elektrik aragatnaşyk kärhanasy öz resmi saýtynda «kolokasiýa» atly täze hyzmaty hödürleýär. Bu hyzmat müşderilere öz serwerlerini ýöriteleşdirilen «Türkmentelekomyň» maglumatlar merkezinde ýerleşdirmäge mümkinçilik berýär.
Kolokasiýa (colocation) hyzmatyna laýyklykda, prowaýder müşderiniň serwerlerini öz çäginde (adatça maglumatlar merkezinde) ýerleşdirýär, ony elektrik toguna çatýar, aragatnaşyk ýaýlymlaryna ýokary geçirijilik kuwwaty bolan mümkinçiligi we hyzmaty üpjün edýär.
Indiden beýläk, özüňize laýyk gelýän ýer gözlemegiň, onuň kondisionirlenmegi hakynda oýlanmagyň, elektrik togunyň öçmegi barada aladalanmagyň geregi ýok. «Türkmentelekom» siziň serwerleriňize we telekommunikasiýa enjamlaryňyza hyzmat etmek boýunça ähli aladalary öz üstüne alýar. Kompaniýanyň resmi saýtynda eýýäm hyzmatyň bahasyny onlaýn hasaplap bilmegiňiz üçin kolkulýator elýeterli edildi.
«Türkmentelekom» kolokasiýa atly täze hyzmaty hödürleýär
- 17.04.2020 20:17
- 15k+
