Huawei nova 7, nova 7 SE we nova 7 Pro arzan flagmanlary 23-nji aprelde hödürleniler

Weibo internet torunda Huawei kompaniýasynyň arzan flagmanlary, ýagny nova 7 arzan lineýkanyň smartfonlary barada maglumatlar peýda boldy. Olaryň premýerasy 23-nji aprelde geçiriler, satuwlar bolsa birnäçe günden soň, 28-nji aprelde başlanar, bu barada iXBT portaly habar berýär. Dogrusy, bu möhletler ýerli bazara degişli, bu smartfonlaryň Hytaýdan daşary bazarlarda haçan peýda boljakdygy bolsa heniz belli däl. 
Bu üç sany täze seriýalar modeliniň dürli platformalarda gurnalmagyna garaşylýar: başlangyç nova 7 SE Kirin 820-e eýe bolar, baza model nova 7 Kirin 985-e eýe bolar, nova 7 Pro flagman modelinde Kirin 990 ulanylar. Platformalaryň hemmesi 5G toruny göterer, has dogrusy, şeýle modem bu smartfonlaryň her biriniň ygtyýarynda bolar. 
Öň Huawei kompaniýasy P40 lineýkasynyň smartfonlarynyň aýratynlygyny belläp geçdi. Huawei-niň soňky flagmanlaryna işläp düzüjiler bedeniň temperaturasyny ölçemegi öwredipdirler. Bu funksiýa uly modelde, ýagny Huawei P40 Pro Plus-da bar. Bu smartfon esasy kameranyň kömegi bilen ulanyjynyň bedeniniň temperaturasyny anyk kesgitläp bilýär. Geljekde Huawei smartfonlarynyň dem alyş ýygylygyny, gan basyşy, ýürek ýygrylmalarynyň ýygylygyny ölçemek boýunça funksiýalara eýe bolmagyna garaşylýar.