Xiaomi iki kameraly we 5G-li özboluşly “akylly” sagatlaryny hödürledi

Xiaomi kompaniýasy çagalara niýetlenilen Xiaomi Mi Bunny 4 “akylly” sagadyny anons etdi. Bu barada iXBT portaly habar berýär.
Xiaomi Mi Bunny 4 iki kamera bilen üpjün edilen, olaryň biri ekranyň merkezi ýokarky böleginde ýerleşdirilen, ikinjisi bolsa, birinjä garanda, 90 gradus burçuň astyndan gönükdirilen we korpusyň ýokarky panelinde ýerleşdirilen. Ikisiniň hem surat datçigi 5 Mp barabar, munda frontal kamera wideojaňlar üçin ulanylar, esasy kamera bolsa daş-töweregi has ykjam ýagdaýda surata almak üçin ulanylar.
Xiaomi Mi Bunny 4 1,78 dýuým diagonally AMOLED-ekrany bilen üpjün edilen. Sagatlar ýerleşýän ýeriňi anyk kesgitläp bilýärler, munuň üçin diňe bir sputnikler däl-de, yzarlaýjy intellektual sistema işleýär. Bu gurluş 920 mA/sag sygymly akkumulýator bilen üpjün edilen, ol adaty režimde, takmynan, bir hepde ulanmaga ýetýär.
Xiaomi Mi Bunny 4 4G we 5G torlaryny göterýär, sagatlar ses jaňlaryny amala aşyrmagy we ýerleşýän ýeriňi dünýäniň 200-den gowrak ýurdunda we sebitinde anyk kesgitlemegi başarýarlar. Ol VoLTE HD hem eýe. Onda oturdylan programmalaryň arasynda iňlis dilini öwredýän interaktiw kömekçini aýratynlandyrmak gerek.
Ýaňy-ýakynda zarýadlamasyz 24 sagat işleýän Xiaomi Mi Air 2S TWS doly derejeli simsiz nauşnikler hem hödürlenildi.