AnTuTu bençmarky özüniň şkalasy boýunça smartfonlaryň öndürijiligini ballar bilen kesgitleýär. Şeýle-de her aýda reýting düzülýär, onda Android we iOS-gurluşlary kuwwatlygy boýunça tertipleşdirilýär. Häzir aprel aýy başlady, AnTuTu ilkinji nobatda Hytaýyň bazary üçin ýörgünli bolan iň kuwwatly Android-smartfonlarynyň onlugyny düzmek bilen martyň jemini jemledi.
Eger-de fewralyň jemleri boýunça top-10-lukda Snapdragon 855+ sistemaly wekiller we Kirin 990 prosessorly (Honor V30 Pro 5G) smartfonlar duşan bolsa, flagmanlaryň mart reýtinginde Snapdragon 865 sistemaly smartfonlar hökümdarlyk edýär, bu barada bençmarka salgylanmak bilen andro-news.com habar berýär.
Ýagny, martyň jemi boýunça birinji orunda Snapdragon 865 sistemaly we 12/256 GB ýatly Oppo Find X2 Pro ýerleşýär. Onuň netijesi 606 389 bala barabar boldy. Ikinji we üçünji orunlarda degişlilikde 598 572 we 590 253 bal ýygnamagy başaran Xiaomi Mi 10 Pro we Oppo Find X2 ýerleşdi. Dördünji orundan onunja çenli orunlary Redmi K30 Pro, iQOO 3, Black Shark 3 Pro, Realme X50 Pro 5G, Vivo NEX 3S 5G, Xiaomi Mi 10 we Black Shark 3 eýeledi.
Ortaça baha segmenti barada aýdylanda, bu ýerde üýtgeşme bolup geçmedi. Liderler hem öňküler: Oppo Reno 3 5G, Vivo X30 5G we Redmi K30 5G. Oppo Reno 3 Pro 5G, Honor 9X Pro, Huawei Nova 6 SE, Honor 9X we Honor 20S smartfonlary hem öňki ýerlerinde galdylar.
Fewral reýtingi bilen deňeşdirilende ýekeje üýtgän zat dokuzynjy orunda Huawei Nova 5 smartfonuny onlukdan çykaran Huawei Nova 5i Pro ýerleşdi. Redmi Note 8 Pro onunjy ornuny saklamagy başardy. Bu reýtingiň üýtgemegine apreliň jemi jemlenende, ýagny smartfonlaryň arasyna Kirin 820-li Honor 30S goşulanda garaşmak bolar.
AnTuTu: mart aýynyň iň kuwwatly Android smartfonlary
- 05.04.2020 12:30
- 4.6k+
