Apple AirTags bu Bluetooth belliklerine çalymdaş kiçiräk “dermanlardyr”. Ýagny, bu gurluşlary dürli obýektlere soňundan olary ýeňillik bilen tapar ýaly berkitmek bolýar. Bu barada iXBT portaly habar berýär. Bu obýektler açarlarda, gapjyk, pasport ýa-da islendik zat hem bolup biler, islendik öýde ýatdan çykaraýjak zadyň ýa-da köplenç tapmasy kyn bolan zat hem bolup biler.
AirTags iPhone-da Find My programmasy bilen birikdiriler. Programmanyň üsti bilen islendik gerek zadyňy kynçylyksyz tapmak bolýar ýa-da programma üpjünçiligini ulanyja onuň ol ýa-da beýleki bir zatdan ýeterlik derejede uzaklaşandygyny duýdurar ýaly hem etmek bolýar. Meselem, öýden çykyp gitmek bilen gapjygyňy ýatdan çykardyň.
AirTags-yň işlemegi üçin, çen bilen aýtsak, ýokary derejede giň zolakly aragatnaşyk (UWB) formaty ulanylar. Ýatladyp geçsek, iPhone-iň aktual lineýkasynda häzirki wagtda ulanylmaýan U1 kabul ediji-iberijisi bar. Hut şu hem AirTags-yň işine jogap berer.
Eger-de kimdir biri siziň AirTag datçikli zadyňyzy tapsa, onda ol şolbada aragatnaşyk informasiýasyna seredip, siziň bilen aragatnaşyk açyp biler, siz bolsa datçigiňiziň haýsy-da bolsa bir ulanyjydadygy baradaky habary alarsyňyz.
AirTags bellikleri ýakyn wagtda Apple-iň iPhone 9-yndan başlap, beýleki täze önümleri bilen bir hatarda hödürleniler diýlip hasaplanylýar. Analitikleriň maglumatlary boýunça, onuň önümçiligi şu ýylyň ikinji ýarymynda başlar.
Apple AirTag “akylly” bellikleriniň üstünde işleýär
- 04.04.2020 23:29
- 4.1k+
