27-nji martda Hytaýyň territoriýasynda Redmi K30 Pro we Redmi K30 Pro Zoome Edition flagman smartfonlarynyň satuwy işe girişdi. 30 sekundyň içinde gurluşlaryň ähli toplumy satyldy, girdeji bolsa 14 million dollara barabar boldy. Bu barada Redmi kompaniýasynyň özi habar berýär.
Ilkinji toplumdaky Redmi K30 Pro we Redmi K30 Pro Zoom Edition smartfonlarynyň anyk sany habar berlenok, ýöne girdejilerden ugur alanymyzda, olaryň sany, takmynan, 29 000-e ýetýär.
Ufatime.ru saýtynyň ýazmagyna görä, Redmi K30 Pro häzirki wagtda Snapdragon 865 prosessorynyň binýadynda gurnalan iň arzan smartfon hasaplanylýar. Gajetiň binýatlyk wersiýasy 6 Gigabaýt operatiw ýat we 128 Gigabaýt fleş-ýat bilen üpjün edilen. Smartfonuň diňe şu wersiýasy LPDDR4X operatiw ýada eýe boldy, K30 Pro we K30 Pro Zoom Edition wersiýalary bolsa LPDDR5 operatiw ýady, şeýle-de UFS 3.1 fleş-ýady bilen üpjün edildi.
Ýatladyp geçsek, bu smartfonlar bäşinji nesliň toruna, esasy kwadrokamera we öňe çykarylýan selfi-kamera eýedirler.
Bu smartfonuň dünýä bazaryna çykmagyna garaşmak hökman däl, çünki koronawirus pandemiýasynyň fonunda köp öndürijiler smartfonlaryny çykarmak işlerini soňa goýýarlar.
Redmi K30 Pro ilkinji gününde rekord goýdy
- 30.03.2020 14:02
- 11k+
