Google Chrome brauzeriniň möhüm funksiýasyndan ýüz öwürýär

2008-nji ýylda Chrome brauzeriniň birinji wersiýasynyň çykan gününden bäri we häzirki wagtda Google müşderi programma üpjünçiligini identifikasiýalamanyň meşhur User Agent mehanizmini ulanýar. Ol brauzeriň wersiýasyny gözegçilikde saklamak we saýtlarda elýeterli bolan aýratyn funksiýalary ýakmak ýa-da öçürmek üçin gerek. Kompaniýanyň täze bildirişi ýakyn wagtda Google-iň şeýle algoritmden ýüz öwürjekdigini görkezýär, bu barada srnsk.ru habar berýär.
Google-iň User Agent hyzmatyndan ýüz öwürmeklik baradaky çözgüdi kompaniýanyň ulanyjylara web saýtlar tarapyndan hödürlenilýän informasiýalara ýokary gözegçiligi döretmek islegi bilen bagly. User Agent arkaly gözleg programmasy beýleki brauzerler tarapyndan öz serwislerine elýeterliligi çäklendirýär. Kompaniýa şeýle algoritmi Chrome 85 wersiýasyna we ondan ýokarky wersiýalara giriziljek täze API-niň (Application programming interface) ulanylyşy bilen çalşyrmagy meýilleşdirýär. Chrome v81-den başlap, Google bu tehnologiýadan ýuwaş-ýuwaşdan ýüz öwürer.
User Agent brauzeriň wersiýasynyň ady we belgisi ýerleşýän ýörite ýazgyny ulanýar. Saýt açylan wagtynda ol operasion sistema we sistemanyň dili barada informasiýa kabul edýär. Öň gurnalan mazmun taýdan gabat gelmezlik ýüze çykan wagtynda brauzerleriň we kompýuterleriň belli bir bölegine elýeterlilik gadagan edilýär.