Apple ýene bir arzan iPhone-y çykarar

“iPhone SE mirasdüşeri” bilen birwagtda Apple kompaniýasy ýene bir uly göwrümli arzan apparatyny anons eder. Ony resmi däl ýagdaýda iPhone 9 Plus diýip atlandyrýarlar. Gajet iPhone SE 2 modellerine derek gelmeli. Bu iPhone SE 2 ýa-da iPhone 9 bolmagy ahmal diýip, rg.ru saýty habar berýär.
Täze smartfonuň dörediljekdigine we çykarylmagynyň mümkinligine yşaratlar relizi güýzde geçiriljek iOS 14 kodunda ýüze çykaryldy, bu barada “9to5Mac” neşiri ýazýar. Iki sany täze apparat özleriçe 4,7 we 5,5 dýuým ekranly iPhone 8 we iPhone 8 Plus-yň ýerini çalşyrar.
Smartfonlar täze iPhone 11 we 11 Pro smartfonlaryndaky ýaly öňdebaryjy Apple A13 Bionic prosessoryna eýe bolar. Smartfonyň iki modelinde-de Face ID-e derek barmaklaryň yzyny skanerleýji Touch ID datçigi bolar, şeýle-de harytlary Apple Pay-iň kömegi bilen tölemek mümkinçiligi bolar.
Belgileri NFC skanerlemesine, Apple Pay-e we Express Transit ulag kartalaryna eýe bolmagy könelen iPhone 6 we 7 smartfonlarynyň eýesini özüne çekmeli diýip 9to5Mac hasaplaýar.
Modelleriň ady heniz tassyklanylmadyk, şol sebäpli olar çykarylýança atlarynyň hem üýtgedilmegi ahmal. Täze smartfonlaryň relizi şu ýylyň ýazyna meýilleşdirilen.
Insaýderleriň maglumatlary boýunça, smartfon alty reňkde hödürleniler. Satyn alyjylar gurluşy gara, ak, gyzyl, gülgüne, gök ýa-da sary reňklerde saýlap bilerler. Mundan başga-da, internetde smartfonuň yzky panelini görkezýän täze renderler peýda boldy.