2021-nji ýylda MacBook täze dizaýnda çykar

Apple kompaniýasy özüniň makbuklarynyň dizaýnyny düýpgöter täzelemäge taýýarlanýar. Üýtgeşmä sezewar bolan şeýle noutbuklaryň ilkinjisi eýýäm indiki ýylda çykar. Bu barada “MacRumors” neşirine salgylanmak bilen wylsa.com habar berýär.
Çeşmäniň maglumatlaryna görä, Apple bu täzelenmäni makbuklaryň ähli lineýkalary üçin taýýarlaýar. Ilkinji bolup kiçi MacBook Pro we MacBook Air çykar. Olaryň klawiaturalary täze/köne gaýçy görnüşli klawiatura üýtgediler, şeýle klawiatura MacBook Pro 16 hem eýe boldy. Demriň we çarçuwanyň ölçeginiň hem täzelenmegi ahmal, Pro 16-nyň yzyndan olar hem kiçeldiler.
Analitikleriň pikiriçe, martyň ahyryna çenli makbuklaryň önümçiligi ýuwaş-ýuwaşdan norma gelip başlar, koronawirusyň ýüze çykan ýeri bolan Uhanda karantin boýunça çäreler peselýär. Mümkin, martyň ahyryna çenli Hytaý kadaly ýagdaýa gelip başlar.
Çeşmäniň maglumatlary boýunça, ýylyň ahyryna çenli Apple “kebelegi” aýryp, olary ykjam “gaýçy” bilen çalşyrar.
Ýöne iň gowy täzelik bize 2020-nji ýylyň ahyrynda – 2021-nji ýylyň birinji ýarymynda garaşýar. Ýagny, bize iki sany täze önüm hödürleniler.
Birinji – Apple-iň hususy prosessoryndaky MacBook. Ol ARM-arhitekturasy esasynda gurlan. Bu energiýanyň az sarp edilmegine getirer. Ýöne munda programmalar bilen bagly kynçylyklar bolar. Adaty Mac-daky programmalar işlemezler. Kompaniýa eýýäm bu geçiş üçin programmalary taýýarlamaga başlady. Umuman aýdanyňda, täze makbuk çykýança köp zatlar üýtgediler. Onuň şu ýylyň ahyrynda ýa-da indiki ýylyň başynda çykmagyna garaşylýar.
Ikinji täze önüm – MacBook düýbünden täze dizaýnda. Ol 2021-nji ýylyň ikinji ýarymynda çykar, ýöne onuň nähili model boljakdygy heniz belli däl.