Smartfonlary öndüriji iri kompaniýalaryň biri bolan Vivo hytaý kompaniýasy 6G - altynjy nesliň mobil aragatnaşygynyň tehnologiýalar pudagynda barlaglara başlaýar.
Aslyýetinde häzirki wagtda 5G ulgamynyň söwda bazary ýola goýlup başlanýar. Teoretiki taýdan bäşinji nesliň mobil torlary geçirijilik ukybyny 20 Gbit/sek-a çenli üpjün edip biler, ýöne häzirlikçe bu tizlige ýetmek başardanok.
Şonuň bilen birlikde köp ylmy guramalar we öňdebaryjy telekommunikasion kompaniýalar eýýäm 6G pudagynda derňewlere başladylar. Degişli başlangyçlar barada Vivo-nyň aragatnaşyk pudagynda derňew institutynyň ýolbaşçysy Sin Feý gürrüň berdi.
Ýagny, Vivo-nyň 6G gurşawynda işgärleri derňew işlerini we öndüriji işleri alyp barjak ýörite toparyň döredilendigi aýdyldy. Bu topar hytaý we daşary ýurt uniwersitetleri bilen bilelikde iş alyp barar.
Çaklamalara görä, 6G torlary maglumatlary 1 Tbit/sek-a çenli tizlik bilen ibermäge mümkinçilik berer, bu bolsa ýokary hilli täze serwisleriň ýüze çykmagyna getirer. Ýöne häzirlikçe onuň nähili ulanyljakdygy düşnüksiz, sebäbi häzir hatda 4K-da filmleri 4G bilen internetden alyp görmek bolýar, onuň soňunyň nähili boljakdygy bolsa belli däl. Dogrusy, altynjy nesliň ilkinji aragatnaşyk sistemasynyň işe girizilmegi 2030-njy ýyldan ir bolup geçmez.
Vivo 6G aragatnaşyk ulgamynda barlaglara başlaýar
- 11.03.2020 22:11
- 2.9k+
