Huawei Mate Xs satuwa çykarylýar

Huawei kompaniýasy geçen hepdede hödürlenilen Huawei Mate Xs eplenilýän smartfonlarynyň satuwyna başlady, bu barada ixbt.com web-saýty habar berýär.
Onuň satuwynyň ilkinji gününiň dowamynda 100 000-den gowrak adam Huawei Mate Xs üçin deslapky sargytlary resmileşdirdiler, düýn bu gurluşy almak isleýänleriň nobaty 1 million adama çenli artdy. Hytaýda bu smartfon 8 GB operatiw ýat we 512 GB fleş-ýat wersiýasynda 2415 dollar baha bilen hödürlenilýär.
Ýatladyp geçsek, Huawei Mate Xs smartfonyny döredende öndüriji şarnir birikmesiniň gurluşyny “laçynyň ganaty” diýip atlandyrmak bilen üýtgetdi, şeýle-de ekranyň durulygyny ýokarlandyrdy. Huawei Mate Xs-iň eplenilýän ekranyny aerokosmik häsiýetli polimidden edilen iki gatly maýyşgak plýonka goraýar. Huawei şular ýaly iki plýonkany suratyň hiline zyýan ýetirmeýän optiki ýelimiň kömegi bilen ýelmeşdirýär. Gyzykly ýeri, bu iki gatly gorag plýonkasynyň bahasy altynyň bahasyndan 3 esse ýokary. Şonuň bilen birlikde plýonkanyň iki gatynyň berkligi bir gata garanda, 80 % ýokary.
Ýazylan görnüşde ekranyň diagonaly 2480x2200 pikselli 8 dýuýma barabar. Eplenilen ýagdaýda öňki we yzky ekran degişlilikde 6,6 we 6,38 dýuýmly diagonala eýe bolýar.
Esasy kamerada 40 Mp-li esasy surat datçigi we üç modul oturdylan. Akkumulýatoryň sygymy 4500 mA/sag. Akkumulýator 55 Wt kuwwatlykly çalt zarýadlama eýe.