Britan kompaniýasy dünýäde iň kuwwatly elektromotory döretdi

Equipmake britan kompaniýasynyň hünärmenleri dünýäde iň kuwwatly diýip hasap edýän elektromotoryny işläp düzdüler. Bu barada letnews.ru habar berýär.
Taslamanyň üstünde Bristolyň Hieta firmasynyň (Beýik Britaniýa) hünärmenleri hem zähmet çekdiler. Motoryň agramy 10 kg-dan geçmeýär, şonuň bilen birlikde hereketlendiriji 295 at güýjündäki kuwwatlylygy bermäge ukyply. Mysal hökmünde alsak, Jaguar I-Pace elektrokarynyň iki sany 40 kg-ly hereketlendirijisiniň kuwwatlylygy 197 at güýjünden geçmeýär.
Işläp düzüjiler motoryň agramyny onuň gurluşyndaky metalyň minimal düzüminiň kömegi bilen azaldyp bildiler. Hereketlendirijiniň korpusy 3D-printerinde döredilen. Onuň peýdaly täsiriniň ýokary ýylylyk koeffisiýenti gyzma howpuny döretmezden, motora çalt aýlanmaga kömek edýär.
Bu täze önümiň ýene bir artykmaçlygy onuň Innovate UK hökümet programmasy boýunça maliýeleşdirme hasaby bilen gazanylan gymmatynyň ep-esli peseldilmeginden ybarat.
Equipmake kompaniýasynyň döreden täze önüminiň ulanylyşa girizilmegi ýakyn 12 aýyň içinde başlanar.