ZTE Nubia Red Magic 5G iň kuwwatly smartfon boldy

Snapdragon 865 prosessorly Nubia oýun flagmany AnTuTu bençmarkynda öndürijiligi boýunça täze rekord goýdy.
ZTE kompaniýasy özüniň bölünip aýrylan Nubia brendi bilen displeýi täzeleme ýygylygy 144 Gs-li ilkinji smartfon boljak täze oýun flagmanyny hödürlemäge taýýarlanýar. Aslynda, ony ýatyrylan MWC 2020 sergisinde tanyşdyrmalydylar, şonuň üçin onuň tanyşdyrylyşy näbelli möhlet bilen yza süýşürildi. Şonuň bilen birlikde smartfon gaýybana iň kuwwatly bolmaga ýetişdi.
Internetde AnTuTu bençmarkynda Nubia Red Magic 5G –niň testden geçirmegiň esasynda gazanan netijeleri peýda boldy, ol tas 634 müň bal ýygnady, bu barada Gizmochina habar berýär. Onuň bu baly öň rekord goýan Xiaomi Black Shark 3 smartfonyndan 14 müň bal ýokary.
Ähli döwrebap flagmanlar Snapdragon 865 prosessory bilen çykarylar, şonuň üçin umumy öndürijiligi artdyrmak üçin olara başga ugurlardan hem ösmek gerek, ýagny tizligini we ýadyň göwrümini artdyrmak, sowadyjy sistemany kämilleşdirmek we programma üpjünçiliginiň optimizasiýasy bilen işleşmek gerek. Ähtimal, täze nesliň LPDDR5 16 Gb operatiw ýatly Nubia Red Magic 5G wersiýasy hem şu netijelere eýe bolandyr, bu diňe bir iň çalt ýat bolman, eýsem, smartfonlar üçin rekord goýujy göwrümdir. Mundan öň diňe 12 Gb operatiw ýatly smartfonlar bardy.