Master Lu bençmarky üstümizdäki ýylyň fewral aýynyň smartfonlarynyň reýtingini düzdi. Reýtingiň birinji setirinde Samsung Galaxy S20 Ultra gurluşy ýerleşdi.
Galaxy seriýasy birbada birnäçe lider orunlaryny eýeledi. Bençmarkyň hünärmenleri öndürijiligi boýunça, takmynan, 481 müň bala eýe bolan Galaxy S20 Plus we Galaxy S20 smartfonlaryny hem aýratynlandyrdylar. Liderleriň bäşligine Realme X50 bilen Pro wersiýada Xiaomi Mi 10 hem girdi. Hünärmenler hytaý smartfonlarynyň aýratynlygy hökmünde olaryň prosessorlarynyň iň gowy kombinasiýasyny we operatiw ýadynyň göwrümini belläp geçdiler.
Reýtingiň altynjy ornuny häzirlikçe diňe Aziýanyň bazarynda elýeterli bolan Vivo iQOO 3 5G smartfony eýeledi. Ýedinji orunda 12 gigabaýt operatiw ýat bilen öndürilýän ZTE Axon 10s Pro ýerleşdi.
Sekizinji orun bençmarkda 467 müň bal gazanan Xiaomi Mi 10 flagmanyna degişli boldy. Hünärmenler özboluşly form-faktory üçin Galaxy Z Flip smartfonuny hem tapawutlandyrdylar. Reýtingiň onlugyny 425 bal gazanmak bilen Huawei Mate Xs jemleýär.
2020-nji ýylyň fewral aýynyň iň gowy smartfonlarynyň onlugy düzüldi
- 05.03.2020 13:29
- 7.7k+
