Xiaomi hytaý kompaniýasy kuwwatlylygy 40 Wt bolan iň çalt simsiz zarýad beriji gurluşyny çykarar. Bu gurluşyň kömegi bilen bir sagadyň içinde Xiaomi Mi 10 Pro smartfonuny sygymly akkumulýator bilen zarýadlandyrmak bolar.
Xiaomi kompaniýasynyň wekiliniň aýtmagyna görä, 40 Wt kuwwatlykly çalt zarýad beriji simsiz gurluşyň binýadynda olaryň hünärmenleri tarapyndan işlenilip düzülen özboluşly tehnologiýa durýar. Bu gurluşyň esasy aýratynlygy onuň işleýiş tizliginden ybarat. Ýagny, 4000 mA/sag sygymly akkumulýatory ulanyjy mobil apparatyny ýa-da zarýad beriji gurluşy gyzdyrmazdan, 40 minudyň içinde doly zarýadlandyryp biler. 20 minudyň içinde bolsa bu gurluş smartfony 57%-e çenli zarýadlandyryp biler.
Şonuň bilen birlikde gajetiň işleýiş tizligi onuň kuwwatlylygy bilen hiç hili bagly däl. Xiaomi kompaniýasy 40 Wt kuwwatlykly çalt simsiz zarýad beriji gurluşy 60 Wt-ly Vivo zarýadkasy bilen deňeşdirip, olaryň tizliginiň meňzeş bolmalydygyny belläp geçdi. Mundan başga-da, birnäçe testler hem geçirildi, onuň netijesinde kuwwatlylygy pes bolan zarýad beriji gurluşlaryň işleýiş tizliginiň gowy zarýadkalara garanda ýokarydygy anyklanyldy.
Xiaomi smartfonlar üçin dünýäde iň çalt simsiz zarýad berijisi bilen tanyşdyrdy
- 04.03.2020 11:34
- 3.8k+
