2020-nji ýylyň Halkara Buker baýragynyň uzyn sanawy belli edildi

Buker baýragyna goşmaça hökmünde 2005-nji ýylda döredilen Halkara Buker baýragynyň guramaçylyk komiteti 2020-nji ýylyň dalaşgärleriniň uzyn sanawyny neşir etdi. m.sobaka.ru saýtynyň habar bermegine görä, bu sanawa iňlis diline terjime edilen we Beýik Britaniýada çap edilen 13 sany eser girdi. Bu eserler 124 eserden saýlanyp alyndy.
Ýeňişe dalaşgärleri size hödürleýäris.
Willem Anker, Red Dog. Afrikan dilinden terjime eden Maýkl Heýns.
Şokufeh Azar, The Enlightenment of the Greengage Tree. Pars dilinden terjime edilen.
Ýun Fosse, The Other Name: Septology I-II. Damion Sirlisiň norwegiýa dilinden eden terjimesi.
Nino Haratişwili, The Eighth Life. Şarlotta Kollinziň we Rur Martiniň nemes dilinden terjimesi.
Mişel Uelbek, Serotonin. Şon Uaýtsaýdyň fransuz dilinden terjimesi.
Daniel Kelman, Tyll. Nemes dilinden terjime eden Ross Benjamin.
Fernando Melhor, Hurricane Season. Sofi Hýuzyň ispan dilinden terjimesi.
Ýoko Ogawa, The Memory Police. Stiwen Snaýderiň ýapon dilinden terjimesi.
Emmanuel Pagano, Faces on the Tip of My Tongue. Fransuz dilinden terjime eden Sofi Lýuis we Jennifer Higgins.
Samanta Şweblin, Little Eyes. Megan MakDaueliň ispan dilinden terjimesi.
Marike Lukas Rineweld, The Discomfort of Evening. Niderland dilinden terjime eden Mişel Hatçison.
Enrike Wila-Matas, Mac and His Problem. Ispan dilinden terjime eden Margaret Žýul Kosta we Sofi Hýuz.
Halkara Buker baýragynyň gysga sanawy 2020-nji ýylyň 2-nji aprelinde mälim ediler, ýeňijiler 19-njy maýda atlandyrylar. Bu baýrak iňlis diline terjime edilen we Beýik Britaniýada çap edilen edebiýat eserine berilýär. Baýragyň göwrümi – 50 000 funt sterling, ol kitabyň awtory bilen terjimeçiniň arasynda paýlaşylýar.
Ýatladyp geçsek, iňlis edebiýatynyň dünýäde iň bir abraýly baýraklarynyň biri hasaplanylýan Buker baýragyna 2019-njy ýylda birbada iki ýazyjy eýe boldy – Margaret Etwud “Wesýetler” antiutopiýa-romany üçin we Bernardin Ewaristo “Gyz, aýal, galan ähli zatlar” kitabynyň üstünde alyp baran işi üçin. Buker baýragynyň gysga-sanawyna 2019-njy ýylda Kanadadan, Beýik Britaniýadan, Nigeriýadan alty ýazyjy girdi.