XXI asyryň iň gowy romanlary belli edildi

XXI asyryň iň gowy romanlarynyň reýtingini düzmäge ýüzlerçe edebi tankytçylar gatnaşdy. 2000-nji ýylyň 1-nji ýanwaryndan iňlis dilinde “ýagtylyga çykan” iň gowy romanlaryň sanawy The New York Times, Time, Newsday, Bookslut, The Millions ýaly meşhur neşirleriň abraýly tankytçylaryna hödürlenilipdi. Bu barada BBC salgylanmak bilen cursorinfo.co.il habar berýär.
Meşhurlygy boýunça birinji orunda dominikan gelip çykyşly amerikaly Juno Diasyň (Hunot Dias) “Oskar Waonyň gysga we täsin dünýäsi” (Короткая и удивительная жизнь Оскара Вао) romany ýerleşdi. Eser 2018-nji ýylyň Pulitser baýragyna hödürlenilipdi.
Juno Dias Dominikan Respublikasynyň paýtagty Santo-Domingoda dogulýar. Ol alty ýaşynda mahaly onuň maşgalasy ABŞ-a göçýär we Nýu-Jerside ornaşýar.
Diasy meşhur eden roman 2007-nji ýylda çykýar. Bu kitap Ştatda hite öwrülýär.
“Oskar Wao latyn amerikalylaryň öz ata-babalarynyň medeniýeti, dili, taryhy bilen goldaýan berk arabaglanyşyklaryň subutnamasy bolup çykyş edýär. Şeýle-de, roman amerikalylar kim we amerikaly bolmak nämäni aňladýar diýen ýaly möhüm soragy hem orta atýar. Dominikan taryhyndan, komikslerden, ylmy fantastikalardan, örän güýçli realizmden we çeperçilik sitatalardan ybarat bolan Diasyň eseri arassa lezzet hasaplanylýar” – diýip, tankytçy Greg Barrios belleýär.
XXI asyryň iň gowy romanlarynyň 12-ligi:
1. Amerikan ýazyjysy Juno Diasyň “Oskar Waonyň gysga we täsin durmuşy” romany (2007);
2. Amerikaly žurnalist, romançy we nowellaçy Edward Pol Jonsuň “Belli dünýä” romany (2003);
3. Britan ýazyjysy, edebiýat tankytçysy Hilari Manteliň “Wulfgoll” romany (2009);
4. Amerikaly ýazyjysy Merilin Robinsonyň “Galaad” romany (2004);
5. ABŞ-dan ýazyjy-romançy Jonatan Franzeniň “Düzedişler” romany (2001);
6. Amerikaly yazyjy we ssenariýeçi Maýkl Şeýbonyň “Kawaler we Kleýiň täsin syýahaty” romany (2000);
7. Amerikaly ýazyjy Jennifer Eganyň “Damak çalyjylar otrýadynyň sapary” romany (2010);
8. Ben Faunteýniň “Billi Linniň futbol arakesmesi wagtyndaky uzak gezelenji” romany (2012);
9. Britan ýazyjysy, ssenariýeçi we dramaturg Ýen Makýueniň “Günäňi ýuwmak” romany (2001);
10. Niger romançysy we lektor Çinamand Ngoz Adiçiň “Sary Günüň ýarysy” romany (2006);
11. Iňlis ýazyjysy Zed Smitiň “Ak dişler” romany (2000);
12. Amerikaly Jeffr Ewgenidisiň “Orta jyns” romany (2002).