Toyota we Panasonic bilelikde Prime Planet Energy & Solutions Inc. kärhanasyny döredýändikleri barada habar berdiler. Kärhana elektromobiller üçin akkumulýatorlary çykarmak bilen meşgullanar. Ol 1-nji aprelde işe girişer. Bu barada ixbt.com saýty habar berýär.
Toyota kompaniýada 51%-i, Panasonic 49%-i eýelär. Täze kärhana akkumulýatorlary diňe Toyota üçin taýýarlaman, eýsem, beýleki awtoöndürijiler üçin hem taýýarlar. Kompaniýanyň işgärleriniň tas ýarysy (5100-den 2400-si) Hytaýda ýerleşdiriler.
Häzir Panasonic akkumulýatorlary Toyota we Tesla kompaniýalary üçin öndürýär. Batareýler bolsa ABŞ-da we Ýaponiýada taýýarlanylýar. Mundan başga-da, Panasonic Tesla kompaniýasy bilen bilelikde Gün batareýalarynyň we modullarynyň önümçiligini artdyrmak bilen meşgullanýar. 2018-nji ýylda kompaniýa Teslanyň önümçiligindäki bökdençlik zerarly akkumulýatorlaryň ýetmezçiligi barada habar berdi.
Toyota we Panasonic kompaniýalary bilelikde kärhanany döretmek baradaky şertnama 2019-njy ýylyň ýanwarynda gol çekipdiler.
Toyota we Panasonic elektromobiller üçin akkumulýatorlaryň önümçiligine başlarlar
- 06.02.2020 17:03
- 3k+
