Xiaomi kompaniýasy 65 Wt kuwwatlykly, USB-C bölekli täze uniwersal energiýa blogyny çykardy. Ony smartfonlara, noutbuklara we beýleki gurluşlara zarýad bermek üçin ulanmak bolýar. Gajet özünden öňkülere garanda, has ykjam göwrüme eýe boldy, ony ýanyňda götermek hem aňsat.
Resmi maglumatlara laýyklykda, täze uniwersal energiýa blogynyň göwrümi ozalky wersiýasyna garanda, 27% kiçi. Gurluşy täze Apple MacBook Pro, Xiaomi noutbuklaryna we beýleki gurluşlara 65 Wt maksimal kuwwatlykda zarýad bermek üçin ulanmak bolýar.
Öndürijiniň habar bermeginä görä, 13-dýuýmly MacBook Pro-ny, takmynan, 1 sagat 50 minudyň içinde doly zarýadlandyrmak bolýar, 15,6-dýuým displeýli Xiaomi Pro noutbugyny bolsa 2 sagat 25 minudyň içinde zarýadlandyrmak bolýar. Mundan başga-da, bu gurluş iPhone 11 üçin hem 18 Wt kuwwatlykda çalt zarýad bermäni üpjün edip bilýär. Ýagny, zarýad berme prosesi standart zarýad berijilerini ulananyňdan 50% çalt bolup geçýär.
Xiaomi MacBook Pro, iPhone 11 we beýleki gurluşlar üçin täze zarýadka çykardy
- 05.02.2020 23:12
- 4.7k+
