Spirtli içgiler adamyň beýnisine nähili täsir edýär?

  • 04.02.2020 23:25
  • 12k+

Alkogolly içgiler näçe köp kabul edildigiçe, beýni şonça-da garramak bilen bolýar. Barlaglar spirtli içgileriň muşdaklarynda bedeniň möhüm organlarynyň tiz kiçelýändigini görkezdi.
Eger-de adam spirtli içgilere yzygiderli ýykgyn edýän bolsa, onda şol adamda görejiniň we gepleýiş diliniň bozulmak hadysasy şeýle içgileri köp içmeýän adamlara garanda, has ir bolup geçýär. Bu hemmä mälimdir, emma häzirki wagta çenli ylym alkogolyň uzak möhletiň dowamynda, esasanam, garramak bilen bagly beýnä nähili täsir edýändigine düşünmän geldi. Häzir bolsa barlaglar her gün agşam wino ýa-da piwo içýän spirt içgileriniň muşdaklarynyň beýniniň göwrüminiň çalt kiçelmek hadysasy bilen çaknyşýandygyny görkezdi.
Bu netijeler Beýik Britaniýanyň 45-den 81 ýaş aralygyndaky müňe golaý ýaşaýjysynyň beýnisiniň skanirlenmegi esasynda alyndy. Beýniniň skanlaryny kabul edilýän alkogolyň möçberi baradaky informasiýalar bilen deňeşdirdiler. Arassa alkogolyň her bir goşmaça grammynyň esasynda adamyň beýnisi her günde 0,02 ýyl garraýar, bu bolsa, takmynan, bir ýarym güne deň gelýär. Has garry beýni alkogoly köp içmeýän adamlaryň beýnisi bilen deňeşdirilende, işjeňligini gowşatmaga has ýakyn bolýar.
Çilim çekmek ýa-da spirtli içgileri içmek ýaly belli bir endikler beýnä negatiw täsir edýärler. Günorta Kaliforniýa uniwersitetiniň Keck School of Medicine fakultetiniň barlagçylary alkogolyň we çilim çekmegiň beýnini nähili garradýandygyny anyk kesgitlemegi başardylar. Ýagny, ölemen çilimkeşleriň beýnisi az çekýänler ýa-da asyl çekmeýänler bilen deňeşdirilende, has garry bolýar. Ýylda her bir goşmaça paçkanyň netijesinde beýniniň ýaşy 0,03 ýyl artýar, bu barada «Scientific Reports» žurnaly habar berýär.

12.07.2025 08:34
13k+

Türkmenistanyň saglygy goraýyş we derman senagaty ministriniň orunbasary bellenildi

Myratberdi Kuwatmyradowiç Gaýypow saglygy goraýyş we derman senagaty ministriniň bejeriş-öňüni alyş kömegini guramak boýunça orunbasary wezipesine bellenildi. Degişli Karara Prezident Serdar Berdimuhamedow 11-nji iýulda Ministrler Kabinetiniň giňişleýin mejlisinde gol çekdi...

11.07.2025 19:08
9k+

Emeli aňly robot ilkinji gezek hirurg gatnaşmazdan öt haltany aýyrdy

Lukmançylygyň taryhynda ilkinji gezek emeli aň tarapyndan dolandyrylýan robot hirurgiki operasiýanyň çylşyrymly bölegini özbaşdak amala aşyrdy. Bu barada Jons Hopkins uniwersitetiniň synagy geçiren barlagçylaryna salgylanýan Reuters agentligi ýazýar...

10.07.2025 11:19
3.5k+

Keniýada kömürturşy gazyny karbonatlara öwürýän agaç tapyldy

Ýewropanyň we Keniýanyň alymlary Gündogar Afrikada ösýän injir agajynyň bir görnüşi bolan Ficus wakefieldii-niň kömürturşy gazyny özüne siňdirip, onuň toprakda karbonat ýataklary görnüşinde saklamaga ukyplydygyny anykladylar...

10.07.2025 11:09
7.8k+

Kesar kesimi arkaly doglan çagada akganlylygyň döremek töwekgelçiligi 20% ýokarlanýar

Şwesiýanyň Karolinska institutynyň (KI) alymlary garny kesip almak arkaly doglan çagalarda akganlylygyň döremek ähtimallygynyň tebigy ýol bilen dünýä inen çagalar bilen deňeşdirilende, takmynan, 20% ýokarydygyny anyklady...