Volkswagen Tiguan-yň esasynda täze pikapyny patentledi

Volkswagen kompaniýasy pikap Tarok-yň dizaýny üçin öz adyna patent hasaba aldyrdy.
Volkswagen Tarok pikapynyň resmi görkezilişi 2020-nji ýylda, ýagny üstümizdäki ýylda bolar. Konsept-kar 150 at/g kuwwatlykly 1,4 l güýçli agregat we doly herekete getiriji ulgam bilen üpjün edildi. Nobatdaky model hem şu motor bilen enjamlaşdyrylar.
Taýýarlanylýan bu inomarka tas ýüz göterim diýen ýaly 2018-nji ýylyň konsept-karynyň öňki şekilini nusga edindi. Günorta amerikan awtoulag neşirleriniň pikirine görä, patentiň hasaba alynmagy Volkswagen Tarok pikapynyň ýakynda ilkinji çykyşynyň boljakdygyndan habar berýär.
Häzirki wagtda bu awtoulagyň öz MQB arhitekturasyny Tiguan Allspace parketnigi bilen paýlaşjakdygy barada maglumat bar. Bu pikapyň tekerler bazasy 2 990 mm, awtoulag uzynlygyna 4 910 mm çykdy, inligine 1 830 mm, beýikligi bolsa – 1 670 mm ýetýär. Ýük platformasy 1 206 mm, ini 1 090 mm, beýikligi bolsa 600 mm. Ýük möçberi 1 000 kg-a çenli ýetdi.
Germaniýaly işläp düzüjiler pikapyň nobatdaky wersiýasynda uzaklygy ölçeýjiniň transpartirowkasy üçin ýörite çyzgydan peýdalanjakdyklaryny aýdýarlar. Kabinanyň yzky sütüni salona tarap süýşürilip, kuzowyň meýdanyna deň tekizligi emele getirmeli. Şeýle usulda ýük platformasy 1 206-dan 1861 mm-e çenli ulalmaly. Eger-de, yzky borty hem aýrylsa, onda tirkege 2 775 mm uzynlykdaky zatlary hem ýükläp bolar.
Volkswagen Tarok-yň Braziliýada ýa-da Argentinada ýygnalmagyna garaşylýar. Görkeziliş çykyşy bolsa, 2020-nji ýylyň noýabrynda San-Paulodaky motto-şowda bolar. Satuwa bolsa indiki ýylyň başlarynda çykarylar.