Microsoft Windows 10 we MacOS lineýkalary üçin Chromium-da hereket etjek täze Edge brauzerini işe girizýändigini habar berdi. Bu barada kompaniýanyň saýtynda aýdylýar.
Onda täze brauzeriň ähli täze operasion ulgamlarda oturdyljakdygy habar berilýär. Chromium-daky täze Edge-niň işleýşi has çalt, ol 4K wideo akymlaryny, ösen anonimligi hem göterip bilýär, onda Google Chrome-iň ähli giňeltmeleri elýeterli.
Edge täze brauzerini sistemany täzelemek ýa-da Microsoft-dan özbaşdak ýüklemek ýoly bilen alyp bolýar.
Ýatladyp geçsek, Microsoft 14-nji ýanwarda ulanyjylaryň şahsy personal kompýuterleri üçin Windows 7 OS-y götermekligini bes etdi. Bu bolsa indi bu operasion sistema üçin täzeleme prosesiniň çykarylmajakdygyny aňladýar, ýöne ulanyjylar heniz hem onda işläp bilýärler. Kompaniýanyň aýtmagyna görä, oňa eýýäm on ýyldan gowrak wagt boldy. StatCounter web-trafiginiň analiz serwisiniň maglumatlary boýunça, Microsoft operasion sistemalarynyň arasynda Windows 7-niň paýy dünýäde 26,79%-e barabar boldy.
«Microsoft» Chromium-da täze Edge brauzerini işe girizdi
- 17.01.2020 23:46
- 1.4k+
