Xiaomi üç ekranly smartfonuny patentledi

Xiaomi kompaniýasy mobil gurluşyň öňki, yzky we gapdal bölegini eýeleýän üç ekranly smartfonuny patentledi. Bu barada Gizchina habar berýär.
Bu gurluşyň resmi bellige alynmagyna degişli bolan resminamalary kärhana geçen ýyl tabşyrýar, ýöne smartfon patent býurosynda 10-njy ýanwarda bellige alynýar. Xiaomi işgärleri gajetiň tas tutuş ýüzüni örtýän üç bölekden ybarat bolan displeýi oýlap tapdylar. Ekspertler Xiaomi-niň patentlenen dewaýsy bilen daşyny gurşap alan korpus ekranly Mi Alpha-nyň arasynda meňzeşlikleri deňeşdirip gördüler. Neşir edilen resminamalara laýyklykda, gajet eplenýän mehanizme eýe bolmaz. Bu gurluş aýratyn konstruksiýasynyň netijesinde «frontalka» hökmünde ulanylyp bilinjek iki sany kamera bilen üpjün ediler.
Ýatlap geçsek, Mi Alpha-nyň resmi görkezilişi 2019-njy ýylyň sentýabrynda bolupdy. Bu smartfonuň displeýi korpusy ähli taraplaýyn gurşap alýar. Gajet 108, 20 we 12 Mp-li üç sany datçikli esasy kamerasy bilen tapawutlanýar.